آج بہت سے سوالات ہیں جو لوگوں کے ذہنوں میں ابھرتے ہیں لیکن ان کا جواب دینے والا کوئی نہیں- سوچنے کی بات یہ ہے کہ فکری تطہیر کے بغیر عمل کی طرف قدم کیسے اٹھ سکتا ہے- ہم چھوٹی چھوٹی باتوں پر خامہ فرسائی کرتے ہیں لیکن بڑے مسائل ہماری نظروں سے اوجھل رہ جاتے ہیں- سیدنا مسیح کے الفاط میں ہم مچھر چھانتے ہیں اور اونٹ نگلتے ہیں اور اگر کبھی انہیں موضوع بناتے بھی ہیں تو معلوم ہوتا ہے کہ ہم سطح سے نیچے جھانکنے کی صلاحیت نہیں رکھتے- مثال کے طور پر عالمی تناظر میں اٹھنے والے چند سوالات دیکھئے